Cantares Gallegos (letras clasicos) - Couverture souple

De Castro, Rosalia

Couverture souple

ISBN 10 : 8498651077 ISBN 13 : 9788498651072

Editeur : Editorial Galaxia, S.A., 2008

Synopsis

A importancia literaria mais tamén simbólica deste poemario bótase de ver no feito de que a data da súa publicación, o 17 de maio, fose instaurada pola Real Academia Galega como Día das Letras Galegas. A obra da poeta inclúe outro dos poemarios máis sobranceiros da literatura galega, Follas novas (1880), e En las orillas del Sar, escrito en castelán, lingua na que tamén escribiu novelas coma La hija del mar (1859) e El caballero de las botas azules (1867). Rosalía de Castro é autora dunha das obras fundamentais da literatura galega de todos os tempos. O seu libro Cantares gallegos é considerado como a primeira grande obra da literatura galega moderna.

A propos du livre

Biographie de l'auteur :

Rosalía de Castro (1837-1885) é considerada a escritora nacional de Galicia e a publicación de Cantares gallegos (1863) a marca do inicio do denominado Rexurdimento. Filla da fidalguía rural galega, na súa vida considéranse decisivos para a súa formación intelectual o paso polo Liceo de la Juventud en Compostela e a posterior experiencia madrileña. Foi en Madrid onde publicou a súa primeira obra (La Flor, 1857) e onde coñeceu e casou con Manuel Murguía (1858), líder intelectual da súa xeración. A súa vida a partir de aquí coñeceu unha grande itinerancia e unha intensa dedicación á escrita. En prosa e en verso, en galego e castelán, a obra de Rosalía de Castro ocupa un lugar moi relevante nas letras europeas do século XIX. Os seus manifestos feministas (“Lieders” e “Las literatas”), o seu avanzado pensamento político e social (Follas novas, El caballero de las botas azules) ou a súa decidida posición crítica como intelectual convértena nunha figura literaria que concita sempre un renovado e múltiple interese. Caracterizada por unha persoal retórica e unha orixinal estratexia en que se modernizan os pactos co lector, tanto os do romanticismo coma os do realismo, a padronesa afondou como poucos nalgúns dos conflitos dialécticos da súa época e nas profundidades abisais da subxectividade do eu. Fiel á súa Terra de Iria, a pesar de tanto vagar, pasou os seus últimos anos de vida na Matanza (Padrón) onde compuxo En las orillas del Sar, obra cimeira na súa produción. Enterrada no cemiterio de Adina en Iria, os seus restos foron trasladados a San Domingos de Bonaval, no que hoxe é o Panteón de Galegos Ilustres.

Présentation de l'éditeur :

A importancia literaria mais tamén simbólica deste poemario bótase de ver no feito de que a data da súa publicación, o 17 de maio, fose instaurada pola Real Academia Galega como Día das Letras Galegas. A obra da poeta inclúe outro dos poemarios máis sobranceiros da literatura galega, Follas novas (1880), e En las orillas del Sar, escrito en castelán, lingua na que tamén escribiu novelas coma La hija del mar (1859) e El caballero de las botas azules (1867).

À propos de cette édition

• Éditeur: Editorial Galaxia, S.A.
• Date d'édition: 2008
• ISBN 10: 8498651077
• ISBN 13: 9788498651072
• Reliure: Broché
• Nombre de pages: 256