A propos de cet article
1: 333 p., 2: 368 p., 3: 312 p., 4: 307 p. Aus der Bibliothek von Prof. Wolfgang Haase, langjährigem Herausgeber der ANRW und des International Journal of the Classical Tradition (IJCT) / De la bibliothèque du professeur Wolfgang Haase, éditeur de longue date de l'ANRW et de l'International Journal of the Classical Tradition (IJCT). - Altersbedingt stark vergilbt, Seitenränder wellig, Einband jeweils berieben und bestoßen, insgesamt aber noch in gutem altersgemäßen Zustand / Fortement jauni par l'âge, bords des pages gondolés, reliure respectivement frottée et abîmée, mais dans l'ensemble encore en bon état pour l'âge. - PROLOGUE DE LAUTEUR Beuveurs tresillustres, et vous Verolez tresprecieux, car à vous, non à aultres, sont dediez mes escriptz, Alcibiades, ou dialoge de Platon intitulé le Banc- quet, louant son précepteur Socrates, sans controverse prince des philosophes, entre aultres parolles, le dict estre semblable es Silenes. Silenes estaient jadis petites boites telles que voyons de présent es bouticques des apothecaires, pinctes au dessus de figures joyeuses et frivoles, comme de harpies, satyres, oysons bridez, lievres cornuz, canes bastées, boucqs volans, cerfz li- monniers, et aultres telles pinctures contrefaictes à plaisir pour exciter le monde à rire ; quel fut Silene, maistre du bon Bacchus. Mais au dedans lon réser vait les fines drogues, comme baulme, ambre gris, amomon, musc, zivette, pierreries, et aultres choses précieuses. Tel disoit estre Socrates, par ce que, le voyans au dehors et lestimans par lexteriore apparence, nen eussiez donné un coupeau doignon, tant laid il estoit de corps et ridicule en son maintien, le nez pointu, le reguard dun taureau, le visaige dun fol, simple en meurs, rustiq en vestimens, pauvre de fortune, infortuné en femmes, inepte à tous offices de la republique, tousjours riant, tousjours beuvant dautant à un chascun, tousjours se guabelant, tousjours dissimulant son divin sçavoir. Mais, ouvrons ceste boyte, eussiez au dedans trouvé une celeste et im- preciable drogue, entendement plus que humain, vertus merveilleuse, couraige invincible, sobresse non pareille, contentement certain, asseurance parfaicte, deprisement incroyable de tout ce pourquoy les humains tant veiglent, courent, travaillent, navigent et bataillent. A quel propos, en voustre advis, tend ce préludé et coup dessay ? Par autant que vous, mes bons disciples, et quelques aultres foulz de séjour, lisans les joyeux tiltres daulcuns livres de nostre invention, comme Gargantua, Pantagruel, Fessepinte, >a Dignité des Braguettes, Des Poys au lard cum com- mento, etc., jugez trop facillement ne estre au dedans traicté que mocqueries, folateries et menteries joyeuses, veu que lenseigne exteriore, c'est le filtre, sans plus avant enquérir est communément receu à dérision et gaudisserie. Mais par telle legiereté ne convient estimer les ½uvres des humains, car vous mesmes dictes que lhabit ne faict poinct le moine, et tel est vestu dhabit monachal qui au dedans nest rien moins que moyne, et tel est vestu de cappe hespanole qui en son couraige nullement afpert à Hespane. Cest pour- quoy fault ouvrir le livrej et soigneusement peser ce que y est deduict. Lors congnoistrez que la drogue dedans contenue est bien daultre valeur que ne promettait la boite, cest à dire que les matières icy traic- tées ne sont tant folastres comme le filtre au dessus pretendoit. Et posé le cas quau sens literal vous trouvez matières assez joyeuses et bien correspondentes au nom, toutesfoys pas demourer là ne fault, comme au chant des Sirenes, ains à plus hault sens interpréter ce que par adventure cuidiez dict en gáyete de cueur. Crochetastes vous oncques bouteilles ! Caisgne ! Réduisez à mémoire la contenence quaviez. Mais veistes vous oncques chien rencontrant quelque os me- dulare? Cest, comme dict Platon, lib. ij. de Rep., la beste du monde plus philosophe. Si veu lavez, vous avez peu noter de quelle dévotion il le guette, de quel soing il le guarde.
N° de réf. du vendeur 1195927
Contacter le vendeur
Signaler cet article
